Rom (kath.net)
Am 9. Oktober 2010 wird erstmal der liturgische Gedenktag für den neuen Seligen John Henry Newman (1801-1890) begangen. Der 9. Oktober wurde gewählt, weil es der Tag der Konversion des neuen Seligen ist: Anfang Oktober 1845 hatte Newman seine Position als Fellow des anglikanischen Oxforder Oriel College zurückgelegt. Wenige Tage darauf ließ er sich durch den italienischen Passionistenpater Domenico Barberi in die römisch-katholische Kirche aufnehmen.

Kath.Net dokumentiert die von der Kongregation für den Gottesdienst und die Sakramentenordnung approbierten Texte des seligen John Henry Newman in deutscher und lateinischer Sprache:

TESTI DEL PROPRIUM DEL B. GIOVANNI ENRICO NEWMAN, SACERDOTE, approvati dalla Congregazione per il Culto divino e la Disciplina dei Sacramenti con Rescritto del 25 giugno 2010.

Die 9 octobris

BEATI IOANNIS HENRICI NEWMAN, PRESBYTERI

Memoria

Werbung

De Communi pastorum: pro presbyteris.


COLLECTA

Deus, qui beátum Ioánnem Henrícum, presbýterum, lumen benígnum tuum sequéntem pacem in Ecclésia tua inveníre contulísti, concéde propítius, ut, eius intercessióne et exémplo, ex umbris et imagínibus
in plenitúdinem veritátis tuae perducámur.

Per Dominum.

Die 9 octobris

BEATI IOANNIS HENRICI NEWMAN, PRESBYTERI

Memoria

Londinii natus anno 1801, officiis clerici anglicani atque Socii collegii Oxoniensis vulgo Oriel nuncupati plus quam viginti annos functus est. Ecclesiae primitivae historiam enixe perscrutatus, ad fidem catholicam pedetemptim attractus, anno demum 1845 in unicum Redemptoris ovile, ut ait, receptus est. Sacerdotio catholico auctus anno 1847, Oratorium Sancti Philippi Nerii in Anglia instituit.

De variis rebus multa magno effectu scripsit. Ut humilis atque ardens pastor laudatus, qui lumine suo intellectuali Ecclesiam valde illustraverat, anno 1879 a Papa Leone XIII in Collegium Cardinalium aggregatus est. Birminghamiae mortuus est die 11 augusti anno 1890.

De Communi pastorum: pro presbyteris.

AD OFFICIUM LECTIONIS

LECTIO ALTERA

E Scriptis Beati Ioannis Henrici Newman, presbyteri

(Apologia Pro Vita Sua, Chapter V: Position of My Mind since 1845, London 1864, pp. 238-239, 250-251)

Tamquam fluctibus agitatum in portum me tandem venisse videbatur

Ex illa die qua catholicus factus sum et deinceps, nihil plane sententiarum de religione narrandum plus habeo. Mentem autem nequaquam pigram reliqui neque a ratiocinationibus theologicis abstinui, sed neve variationes in cogitatione neve sollicitudines in corde referre valeo. Omnis dubii expers, in pace perfecta atque tranquillitate hucusque vivo.

De intellectu vel moribus a die conversionis meae mutatis nihil conscius sum. Etenim, nec fidem in veritates Revelationis principales firmiorem, nec mei compotiorem, nec meipsum ferventiorem sentiebam. At tamquam fluctibus agitatum in portum me tandem venisse videbatur; unde meipsum usque ad hodiernam diem beatum iugiter aestimo.

Neque articulos insuper qui de
symbolo anglicano desunt difficiles receptu inveni. Nonnullos enim iamdudum acceperam; omnibus autem absque periclitatione consensi. Quos in die receptionis sine ulla disceptatione professus sum, eosdem etiam nunc ita confiteor.

Sunt enim difficultates intellegendi in omnibus symboli christiani articulis sive a catholicis sive a protestantibus professis quas neque negare neque simpliciter me solvere posse assevero. Ac tametsi multi sunt qui difficultates in Religione sentiant, quorum ego unus sum, coniunctionem tamen numquam videre potui inter apprehensionem illarum difficultatum, quamvis acute et quotquot sint, et dubitationem doctrinarum cum quibus coniunctae sunt. Decem milia enim difficultates ne singulum quidem dubium gignere posse mihi videtur, eo quod difficultates nequaquam dubiis commetiuntur. Difficultates enimvero in argumentis prorsus adesse possunt; hic autem de difficultatibus in ipsis doctrinis intrinsecis vel quoad earundem doctrinarum relationes in alterutras loquor.

Scilicet ut aliquis vexatur dum quaestionem mathematicam solvere non potest, etiam cum solutio illi sive praestita sive retenta est, sed non dubitat quin solutio admitti possit vel solutio quaedam vera exsistat. Ex omnibus fidei dogmatibus, mea sententia valde difficillimum est quod Deus exsistat, sed mentibus nostris quam potentissime imprimitur.

Sunt tamen qui doctrinam Transubstantiationis difficilem creditu aiunt. Ego quidem, quum illae doctrinae non credideram donec catholicus essem, nihilominus simul ac Ecclesiam Romanam Catholicam esse oraculum Dei cognoveram, atque eam docuisse istam doctrinam ab origine esse revelatam, facillime credidi. Quod hanc doctrinam mente concipere sit arduum, immo impossibile, libenter concedo; sed quomodo sit difficile huic credere, quaeso.

Toto vero dogmati revelato, ab Apostolis docto et Ecclesiae tradito et ab Ecclesia mihi declarato, credo; atque ut nunc interpretatur et, implicite, sicut ab illa auctoritate cui commissum est praeterea simili modo interpretabitur usque ad consummationem saeculi, idem accipio. Insuper illis traditionibus semper et ubique in Ecclesia receptis, in quibus res continetur definitionum dogmaticarum interdum declaratarum, et quae in omnibus saeculis dogmati Catholico iam declarato textum et exemplum praebent, adhaereo.

Aliis quoque Sanctae Sedis sententiis, sive theologicis sive non, per instrumenta a se statuta procedentibus, quaestione utrum infallibilitate sint praeditae praetermissa, quibus saltem parere atque obtemperare debeo, me submitto. Existimanda est porro, ut opinor, Catholicae fidei investigatio paulatim per saecula species certas et varias assumpsisse, in formam scientiae se exstruxisse, ratione et locutione sibi propriis a doctissimis sicut Athanasio, Augustino atque Thoma de Aquino evolutis, se ornasse; neque talem hereditatem intellectualem nobis his posterioribus diebus legatam ullo modo dirumpere vellem.


RESPONSORIUM Eph 3,7.10; Io 16,13

R. Evangelii factus sum minister secundum donum gratiae Dei, quae data est mihi secundum operationem virtutis eius, * ut innotescat per ecclesiam multiformis sapientia Dei.

V. Cum autem venerit ille, Spiritus veritatis, deducet vos in omnem veritatem. * Ut innotescat per ecclesiam multiformis sapientia Dei.


ORATIO

Deus, qui beátum Ioánnem Henrícum, presbýterum, lumen benígnum tuum sequéntem pacem in Ecclésia tua inveníre contulísti, concéde propítius, ut, eius intercessióne et exémplo, ex umbris et imagínibus in plenitúdinem veritátis tuae perducámur. Per Dominum.


Prot. N. 735/10/L


9. Oktober

SEL. JOHANNES HEINRICH NEWMAN, PRIESTER

Gedenktag

Commune für Hirten der Kirche: für einen Priester.


TAGESGEBET

Gott, du hast dem seligen Priester Johannes Heinrich die Gnade geschenkt, deinem gütigen Licht zu folgen und in deiner Kirche Frieden zu finden; gewähre uns, dass wir auf seine Fürsprache und durch sein Beispiel aus Schatten und Bildern zur Fülle deiner Wahrheit geführt werden.

Darum bitten wir durch Jesus Christus.

Ihnen hat der Artikel gefallen?
Bitte helfen Sie kath.net und spenden Sie jetzt via Überweisung auf ein Konto in Ö, D oder der CH oder via Kreditkarte/Paypal!