4. November 2009 in Latein
Quo omnia, quae de Eucharistia doceantur, summatim tractentur et contionatores adiuventur.
Civitate Vaticana (kath.net/RV)
Congregatio de Cultu Divino et Disciplina Sacramentorum novum compositum Compendium Eucharisticum Summo Pontifici Benedicto XVI obtulit. Huius Dicasterii Praefectus, Antonius Cardinalis Cañizares Llovera, explicavit: "Synodus Episcoporum de Eucharistia anno bismillesimo quinto celebrato proposuit, ut quoddam Compendium Eucharisticum fontes, doctrinas et textus de Eucharistia comprehendens ederetur.
Quam propositionem Summus Pontifex accepit et Congregationi de Cultu Divino et Disciplina Sacramentorum ad effectum perducendam tradidit, ut omnia, quae de Eucharistia docerentur, summatim tractarentur et contionatores adiuvarentur.
In quodam capite hunc ad finem confecto textus liturgici offeruntur, praesertim ex uno Ritu Romano sumpti usu extraordinario Ritus Romani attento. Compendium adhuc Italica tantum lingua editum est.
© 2009 www.kath.net